Welcome to   Click to listen highlighted text! Welcome to

मुख्यमंत्री देवेंद्र फडणवीस यांचा हेलिकॉप्टर दौरा पुन्हा एकदा चर्चेत , चाके चिखलात रुतली…

Spread the love

राज्याचे मुख्यमंत्री देवेंद्र फडणवीस यांच्या हेलिकॉप्टरला आज पुन्हा एकदा पेणमध्ये अपघात होता-होता राहिला. हॅलिपॅडवरील मातीत हॅलिकॉप्टरची चाके रुतल्याने पायलटचे हेलिकॉप्टरवरील नियंत्रण सुटले होते. परंतु, पायलटने वेळीच प्रसगांवधान दाखवल्याने सुदैवाने पुढील अनर्थ टळला. या हेलिकॉप्टरमध्ये मुख्यमंत्री देवेंद्र फडणवीस त्यांचा पीए, एक इंजिनिअर, एक पायलट आणि को-पायलट असे पाचजण बसलेले होते.

मुख्यमंत्री देवेंद्र फडणवीस हे आज रायगड जिल्ह्यातील पेण येथे भाजप उमेदवाराच्या प्रचारासाठी आले होते. पेणमध्ये पोहोचल्यानंतर ते प्रचार सभेला संबोधित करण्यासाठी रवाना झाले. पेण-बोरगाव येथील हेलिपॅड चिखलासारखे झाले होते. दुपारी साडेचारच्या सुमारास सात टन वजनाचे हेलिकॉप्टर लँड झाल्याने त्याची चाके मातीत रुतली. या परिसरात आधीच पाऊस झाल्याने या ठिकाणी चिखल झाला होता. चिखलात चाके रुतल्याने पायलटचे हेलिकॉप्टरवरचे नियंत्रण मिळवण्यात पायलटला अडचण आली. पायलटचे नियंत्रण सुटणार होते. परंतु, पायलटने वेळीच प्रसगांवधान दाखवल्याने पुढील अनर्थ टळला. त्यानंतर मुख्यमंत्री हेलिकॉप्टरमधून खाली उतरले व भाजपाचे उमेदवार रवींद्र पाटील यांच्या प्रचारसभेसाठी रवाना झाले. या घटनेबाबत अद्यापही कोणत्याच यंत्रणेने अधिकृत दुजोरा दिलेला नाही. दरम्यान, या आधीही मुख्यमंत्र्यांच्या हेलिकॉप्टरला अपघात होण्याच्या घटना घडल्या आहेत. त्यातून ते बालंबाल बचावले होते. आता पुन्हा असाच अपघात होताना ते बचावले आहेत. हेलिकॉप्टर लँड होताना असे प्रकार होतात. त्यामुळे अपघात झालेला नाही. मुख्यमंत्री सुरक्षित खाली उतरले आणि पुन्हा काम संपवून परतले आहेत, असे जिल्हा पोलिस अधीक्षक अनील पारसकर यांनी सांगितले.

पेण येथे लँडिंग करताना मुख्यमंत्री देवेंद्र फडणवीस थोडक्यात बचावले, अशा आशयाच्या बातम्या दाखविल्या जात आहेत. वस्तुत: कोणताही अनुचित प्रकार घडलेला नाही. लँडिंग करताना पायलट काळजी घेऊनच लँड करीत असतात. मुख्यमंत्री आपल्या सर्व नियोजित सभा पूर्ण करीत आहेत. त्याच हेलिकॉप्टरने मुख्यमंत्री उल्हासनगर येथे रवाना झाले आणि तेथील सभाही त्यांनी केली. त्यामुळे कोणत्याही प्रकारच्या अफवेवर, चुकीच्या माहितीवर कुणीही विश्वास ठेऊ नये, असे भाजपचे प्रवक्ते केशव उपाध्ये यांनी सांगितले.

आपलं सरकार

Click to listen highlighted text!