Crime News : फेरफटका मारण्यासाठी गेलेल्या इसमावर ५ जणांचा बलात्कार , प्रकृती चिंताजनक
फेरफटका मारण्यासाठी गेलेल्या एका ३४ वर्षीय पुरुषाला पाच जणांनी तेथील कांदळवनात नेऊन त्याच्यावर सामूहिक बलात्कार केल्याचा धक्कादायक प्रकार उघडकीस आला आहे. आरोपी तरुण तेवढ्यावरच थांबले नाहीत तर त्यांनी पीडित पुरुषाच्या पार्श्वभागात नारळाची अर्धवट करवंटी व कंडोम टाकून त्याचा छळ करून पलायन केले. वाशीतील जागृतेश्वर तलावाजवळ सोमवारी सायंकाळी हि घटना घडली असल्याचं तक्रारीत नमूद करण्यात आल आहे.
या प्रकारामुळे गंभीर जखमी झालेल्या पीडित पुरुषावर कोपरखैरणे येथील खासगी रुग्णालयात तातडीने शस्रक्रिया करण्यात आली असून अद्याप त्याची प्रकृती चिंताजनक आहे. दरम्यान, वाशी पोलिसांनी अज्ञात आरोपींविरोधात गुन्हा दाखल करून त्यांचा शोध सुरू केला आहे.
या प्रकरणाविषयी अधिक माहिती देताना पोलिसांनी सांगितले कि , या घटनेतील पीडित पुरुष तुर्भे परिसरात राहणारा असून सोमवारी सायंकाळी तो नेहमीप्रमाणे वाशीतील जागृतेश्वर तलाव घाट क्रं.२ येथे गेला होता. यावेळी तो मोबाइलवर बोलत असताना त्याठिकाणी आलेल्या २५ ते ३० वयोगटातील पाच तरुणांनी त्याला जबरदस्तीने उचलून टाटा कॉलनी व जागृतेश्वर तलाव घाटालगत असलेल्या कांदळवनाच्या झुडुपात नेऊन त्याच्यावर सामूहिक बलात्कार केला. त्यानंतर त्यांनी त्याच्या पार्श्वभागात नारळाची अर्धवट करवंटी, कंडोम व इतर वस्तू टाकून तेथून पलायन केले.
या घटनेनंतर पीडित पुरुषाने जखमी अवस्थेत घर गाठले. त्यानंतर त्याच्या कुटुंबियांनी त्याला कोपरखैरणे येथील खाजगी रुग्णालयात दाखल केले. त्याच्यावर तातडीने शस्रक्रिया करण्यात आली असून, अद्याप त्याची प्रकृती चिंताजनक आहे. सोमवारी रात्री घडलेल्या या घटनेनंतर वाशी पोलिसांना एकाही आरोपीला पकडण्यात अद्याप यश आलेले नाही. त्यामुळे पीडित पुरुषाच्या मित्रांनी थेट पोलिस आयुक्त संजय कुमार यांना पत्र देऊन या गंभीर प्रकाराची दखल घेण्याची विनंती केली असून, ही घटना दिल्लीतील ‘निर्भया’प्रकरणाशी मिळतीजुळती असल्याचेही त्यांनी निदर्शनास आणून दिले आहे.