Nagpur : गणेश विसर्जनाच्या वेळी काका – पुतण्याचा बुडून मृत्यू

Spread the love

नागपूर जिल्ह्यात गणेश विसर्जनाच्या वेळी  वेणा नदीत काका-पुतणे बुडाले. ही घटना बुधवारी सायंकाळी ६.३० वाजताच्या सुमारास घडली. सुरेश शिवराम फिरके (वय ४८) व अजिंक्य रमेश फिरके (वय १८, दोन्ही रा. डिगडोह देवी, एमआयडीसी) अशी नदीत बुडालेल्या काका-पुतण्याचे नाव आहे.

Advertisements

पोलिसांनी दिलेल्या माहितीनुसार, बुधवारी सायंकाळी सुरेश व अजिंक्य हे दोघे गणेश विसर्जनासाठी खैरी पन्नासे गावाजवळील वेणा नदी येथे गेले. त्यांनी गणेशमूर्तीचे विसर्जन केले. त्यानंतर दोघे आंघोळ करीत होते. सुरेश हे पाण्याच्या प्रवाहात वाहायला लागले. अजिंक्यने त्यांना वाचविण्याचा प्रयत्न केला. तोही नदीत बुडाला.

ग्रामस्थांनी घटनेची माहिती हिंगणा पोलिस स्टेशनला दिली. माहिती मिळताच हिंगणा पोलिस स्टेशनच्या वरिष्ठ पोलिस निरीक्षक सपना क्षीरसागर यांच्यासह पोलिसांचा ताफा तेथे पोहोचला. अग्निशमन व राष्ट्रीय आपत्ती व्यवस्थापन पथकालाही बोलाविण्यात आले. पथकाने दोघांचा शोध घेतला. मात्र, रात्री उशिरापर्यंत दोघेही आढळून आले नव्हते.

Leave a Review or Comment

आपलं सरकार