झोमॅटोचा डिलिव्हरी बॉय मुस्लिम दिसताच एका हिंदू व्यक्तीने जेवणाची ऑर्डर रद्द केली !!
झोमॅटोवरून जेवणाची ऑर्डर केल्यानंतर मेसेज आला. त्यात डिलिव्हरी बॉय मुस्लिम दिसताच एका हिंदू व्यक्तीने जेवणाची ऑर्डर रद्द केली आहे. डिलिव्हरी बॉय बदला अन्यथा ऑर्डर रद्द करून पैसे परत द्या असे म्हणत त्या व्यक्तीने सोशल मीडियावर वाद घातल्याचा प्रकार समोर आला असल्याचे वृत्त आहे.
Just cancelled an order on @ZomatoIN they allocated a non hindu rider for my food they said they can't change rider and can't refund on cancellation I said you can't force me to take a delivery I don't want don't refund just cancel
— पं अमित शुक्ल (MODI ka Parivar) (@Amit_shukla999) July 30, 2019
पंडित अमित शुक्ल यांनी झोमॅटोवरून जेवणाची ऑर्डर दिली होती. त्यानंतर त्यांना झोमॅटोचा मेसेज आला. मेसेजमध्ये डिलिव्हरी बॉय मुस्लिम असल्याने पंडित शुक्ल यांनी झोमॅटोला डिलिव्हरी बॉय बदलण्याची मागणी केली. जर डिलिव्हरी बॉय बदलत नसाल तर माझे पैसे परत करा, असे म्हणत कंपनीसोबत वाद घातला. यासंबंधीची पोस्ट सुद्धा पंडित शुक्ल यांनी ट्विटरवर शेअर केली आहे. ट्विटमध्ये म्हटलंय की, मी झोमॅटोवरून जेवणाची ऑर्डर रद्द केलीय. कारण, झोमॅटो मला एका मुस्लिमाच्या हस्ते जेवण पाठवणार होते. मी डिलिव्हरी बॉय बदलण्यास सांगितले. परंतु, त्यांनी तसे करण्यास नकार दिला. मुस्लिमाच्या हातून आलेले जेवण खाण्यासाठी तुम्ही माझ्यावर दबाव टाकू शकत नाही, तसेच मला रिफंडची गरज नाही, असे मी त्यांना सांगितले, असे शुक्ल यांनी आपल्या ट्विटमध्ये म्हटले आहे.
शुक्ल यांनी शेअर केलेल्या फोटोत स्पष्टपणे हा सर्व प्रकार दिसतोय. फैयाज नावाचा डिलिव्हरी बॉय असल्याने पंडित शुक्ल यांनी डिलिव्हरी बॉय बदलण्यास सांगितले. इतकच नाही तर झोमॅटोसोबत व्हॉट्सअॅपवर झालेली चॅटिंगचे स्क्रीन शॉट ट्विटरवर शेअर केले आहेत. डिलिव्हरी बॉय बदलण्यात येणार नाही, जेवणाला कोणतीही जात नसते, ऑर्डर रद्द केल्यास पैसे परत मिळणार नाही, असे झोमॅटोने शुक्ल यांना उत्तर दिले. दरम्यान, झोमॅटोने मला ब्लॉग केले असून त्यांच्या अॅपवर मला आधीची हिस्ट्री दिसत नाही, असे म्हणत वकिलाचा सल्ला घेऊन झोमॅटोविरुद्ध कायदेशीर लढाई लढणार असल्याचे पंडित अमित शुक्ल यांनी सांगितले आहे.
We are proud of the idea of India – and the diversity of our esteemed customers and partners. We aren’t sorry to lose any business that comes in the way of our values. 🇮🇳 https://t.co/cgSIW2ow9B
— Deepinder Goyal (@deepigoyal) July 31, 2019