Welcome to   Click to listen highlighted text! Welcome to

Good News : इन्कम टॅक्स रीटर्नसाठी ३१ ऑगस्टपर्यंत मुदत

Spread the love

आपण आयकर विवरणपत्र (ITR) अद्याप फाइल केलेलं नसेल तर चिंतेचं कारण नाही. इन्कम टॅक्स रीटर्न फाइल करण्यासाठी आधी निर्धारित करण्यात आलेली ३१ जुलै ही डेडलाइन बदलण्यात आली असून त्यास एका महिन्याची म्हणजेच ३१ ऑगस्टपर्यंत मुदतवाढ देण्यात आली आहे. केंद्रीय प्रत्यक्ष कर मंडळाने (सीबीडीटी) आज हा निर्णय घेतला. २०१९-२० या आर्थिक वर्षासाठीचा इन्कम टॅक्स रीटर्न फाइल करण्यासाठी ३१ जुलै ही अंतिम तारीख निश्चित करण्यात आली होती. मात्र, काही करदात्यांना या मुदतीत आयटीआर फाइल करण्यात अडचणी येत असल्याचे निदर्शनास आले आहे. फॉर्म-१६ च्या उपलब्धतेसह विविध कारणांचा यात समावेश असून ही बाब लक्षात घेऊनच आयटीआर फाइल करण्यासाठीची मुदत वाढवण्याचा निर्णय घेण्यात आल्याचे सीबीडीटीने नमूद केले आहे.

दरम्यान, २०१८-१९ या आर्थिक वर्षासाठीचं टीडीएस सर्टिफिकेट यंदा रखडलं होतं. हे सर्टिफिकेट देण्यासाठी कंपन्यांना २५ दिवसांची म्हणजेच १० जुलैपर्यंत मुदत वाढवून देण्यात आली होती. त्यामुळे आयटीआर फाइल करण्यासाठी करदात्या नोकरदारांच्या हाती २० दिवसांचाच अवधी होता. त्यामुळे आधीपासूनच ३१ जुलैची डेडलाइन वाढवण्याची मागणी होत होती. आयटीआर फॉर्ममध्ये मोठ्या प्रमाणात बदल करण्यात आले असल्याच्या अनेक पोस्ट सोशल मीडियावर व्हायरल झाल्या आहेत. यात कोणतंही तथ्य नसून केवळ संबंधित सॉफ्टवेअर अपडेट करण्यात आलं आहे, असेही सीबीडीटीने स्पष्ट केले.

आपलं सरकार

Click to listen highlighted text!