अखेर मुख्यमंत्री कुमारस्वामी यांचं सरकार कोसळलं

Advertisements
Advertisements
Spread the love

गेल्या काही दिवसांच्या नाट्यमय घडामोडीनंतर अखेर मुख्यमंत्री कुमारस्वामी यांचं सरकार कोसळलं आहे. गेल्या दोन दिवसांपासून सुरू असलेल्या प्रदीर्घ चर्चेनंतर कुमारस्वामी सरकारविरोधातील विश्वासदर्शक ठरावावर मतदान झालं. यावेळी विश्वासदर्शक ठरावाच्या बाजूने ९९ मते पडली, तर ठरावाच्या विरोधात १०५ मते पडल्याने कुमारस्वामी सरकार अखेर पडलं. अवघ्या चार मतांनी कुमारस्वामींना बहुमत गमवावं लागलं आहे.

Advertisements

कुमारस्वामी सरकारला आज विश्वासदर्शक ठरावाला सामोरे जाणार असल्याने कोणताही अनुचित प्रकार घडू नये म्हणून कर्नाटकात कलम १४४ लागू करण्यात आलं होतं. तर दुसरीकडे कर्नाटकात सकाळपासूनच खडाजंगी चर्चा सुरू होती. माझं श्रेत्र सिनेमा निर्मितंच आहे. मी सिनेनिर्माता आहे. राजकारण हे माझं श्रेत्र नाही. मी अपघातानेच मुख्यमंत्री झालो, असं सांगतानाच सत्ता कायमस्वरुपी राहत नाही. मी फ्लोअर टेस्टला तयार आहे, असं भावूक भाषण कुमारस्वामी यांनी केलं. त्यानंतर संध्याकाळी ७.३० वाजता कुमारस्वामींनी विश्वासदर्शक ठराव मांडला. त्यानंतर विधानसभेतील उपस्तित आमदारांची मोजदाद करण्यात आली आणि नंतर विश्वासदर्शक ठरावावर मतदान घेण्यात आलं. १६ बंडखोर आमदार विधानसभेत अनुपस्थित राहिल्याने बहुमताचा आकडा १०३ वर आला. मात्र कुमारस्वामींना बहुमताचा आकडा गाठता आला नाही. ठरावाच्या बाजूने केवळ ९९ मते पडल्याने अवघ्या चार मताने कुमारस्वामी सरकार कोसळलं. तर ठरावाच्या विरोधात १०५ मते पडली. यावेळी भाजपचं एकही मत फुटलं नाही. जेडीएस-काँग्रेसचे १६ बंडखोर आमदार सभागृहात अनुपस्थित राहिले तर बसपाचा उमेदवार तटस्थ राहिल्याने कुमारस्वामींना विश्वासदर्शक ठराव जिंकता आला नाही.

Advertisements
Advertisements

एकूण सदस्य : २२४
भाजप : १०५
काँग्रेस-जेडीएस: १००
बंडखोर: १६
बसप: ०१

आपलं सरकार