आरक्षणाच्या मागणीवरून धनगर समाजाचे कार्यकर्ते आक्रमक , मुख्यमंत्र्यांच्या महापूजेप्रसंगी शेळ्या-मेंढ्या सोडण्याचा इशारा

Advertisements
Advertisements
Spread the love

आरक्षणाच्या प्रश्नावर धनगर समाजाच्या संघटना आक्रमक झाल्या आहेत. धनगर समाजाच्या आरक्षणाची घोषणा करा नाही तर वारीत शेळ्या-मेंढ्या सोडू अशी धमकीच एका कार्यकर्त्याने दिलीय. त्याचा व्हिडीओ व्हायरल झाला असून पोलिसांना आता विशेष काळजी घ्यावी लागणार आहे. धनगर समाजाला आरक्षण देण्याची घोषणा पहिल्याच कॅबिनेटमध्ये करू असं आश्वासन मुख्यमंत्री देवेंद्र फडणवीस यांनी दिलं होतं. मात्र आता पाच वर्षानंतरही ही घोषणापूर्ती होऊ शकली नाही असा आरोप विविध संघटनांनी केलाय. मुख्यमंत्री देवेंद्र फडणीस यांच्या आषाढी एकादशीच्या महापूजेला  विरोध करणार असल्याचा एक व्हिडीओ सध्या व्हायरल होतोय.

Advertisements

धनगर समाज उन्नती मंडळ या संघटनेचा बीड जिल्हाअध्यक्ष असलेल्या रवी देशमुख यांचा हा व्हिडीओ आहे. त्यांनी एक निवेदन दिलं असून फडणवीसांनी दिलेल्या आश्वासनाचं काय झालं असा सवाल विचारला आहे. वेळोवेळी आंदोलन करूनही सरकारला जाग येत नाही. सरकार झोपेचं सोंग घेत आहे.धनगरांना आदिवासींच्या सवलती लागू करण्याचं आश्वासन मुख्यमंत्र्यांनी दिली होतं. मात्र धनगर समाजाला अद्यापही आदिवासींसारख्या सवलती लागू झालेल्या नाहीत. धनगर समाजाला आदिवासींसारखे घरकुलं देण्याची घोषणाही झाली होती त्याचीही अंमलबजावणी सरकारने केली नाही त्यामुळे आक्रमक भूमिका घेतं आहोत असं रवी देशमुख यांनी सांगितलंय.आषाढी एकादशीला मुख्यमंत्री देवेंद्र फडणवीस यांना महा पूजा करू देणार नाही असा इशाराही त्यांनी दिलाय.

Advertisements
Advertisements

आपलं सरकार