It seems you're using an unsafe, out-of-date browser. CLOSE(X)

मुंबई: गटाराच्या मॅनहोलमध्ये पडलेल्या मुलाचा शोध लागेना , संतप्त नागरिकांचा गोरेगावात रास्तारोको

Advertisements

<SCRIPT charset=”utf-8″ type=”text/javascript” src=”//ws-in.amazon-adsystem.com/widgets/q?rt=tf_cw&ServiceVersion=20070822&MarketPlace=IN&ID=V20070822%2FIN%2F19840a8-21%2F8010%2F637dff1b-7428-4e7b-82fe-5ee3099bc298&Operation=GetScriptTemplate”> </SCRIPT> <NOSCRIPT><A rel=”nofollow” HREF=”//ws-in.amazon-adsystem.com/widgets/q?rt=tf_cw&ServiceVersion=20070822&MarketPlace=IN&ID=V20070822%2FIN%2F19840a8-21%2F8010%2F637dff1b-7428-4e7b-82fe-5ee3099bc298&Operation=NoScript”>Amazon.in Widgets</A></NOSCRIPT>

Spread the love

गोरेगाव येथे गटराच्या मॅनहोलमध्ये दीड वर्षाचा मुलगा बुडून तेरा तास उलटूनही त्याचा शोध न लागल्याने स्थानिकांचा संतापाचा पारा चढला आहे. महापौर विश्वनाथ महाडेश्वर या परिसरात येण्यापूर्वीच स्थानिकांनी गोरेगावमध्ये आंबेडकर चौकात रास्तारोको करून हा संपूर्ण रस्ता अडवून धरला आहे. त्यामुळे या परिसरात वाहतुकीची प्रचंड कोंडी झाली आहे. मालाडच्या गोरेगाव-मुलुंड लिंक रोडवरील इटालियन कंपनीजवळील आंबेडकर चौकातील एका नाल्यात दिव्यांश धानसी हा दीड वर्षाचा मुलगा पडला.

बुधवारी रात्री १०.२४ वाजता ही घटना घडली. घरातून खेळता खेळता दिव्यांश रस्त्यावर आला. रस्त्याच्याकडेला असलेल्या नाल्याजवळून माघारी जाण्यासाठी वळत असताना पाय घसरून तो नाल्याच्या मॅनहोलमध्ये पडला. नाल्यातील पाण्याच्या प्रचंड प्रवाहामुळे तो वाहून गेला असल्याचं सीसीटीव्ही कॅमेऱ्यातील फुटेजमधून स्पष्ट झालं आहे. ही घटना घडली त्यावेळी त्याच्या आसपास कोणीच नसल्याचंही सीसीटीव्ही कॅमेऱ्यात दिसत आहे.

Advertisements


Advertisements

या घटनेच्या २० ते ३० सेकंदानंतर दिव्यांशूची आई त्याला शोधताना दिसत असल्याचंही या कॅमेऱ्यात कैद झालं आहे. मुलाचा शोध लागत नसल्याने त्याच्या आईने आरडाओरड केला. त्यानंतर बाजूच्याच मशिदीबाहेर लावण्यात आलेल्या सीसीटीव्ही कॅमेऱ्यात पाहिले असता हा मुलगा नाल्याच्या मॅनहोलमध्ये पडल्याचं आढळून आलं. हा प्रकार उघड होताच पोलीस, पालिका कर्मचारी आणि अग्निशमन दलाच्या जवानांना तात्काळ घटनास्थळी पाचारण करण्यात आलं. पोलीस, अग्निशमन दल आणि पालिका कर्मचाऱ्यांनी गेल्या नऊ तासांपासून या मुलाचा शोध सुरू केला आहे. मात्र त्याचा अद्यापही शोध लागलेला नाही. गेल्या वर्षी प्रभादेवी येथे नाल्याचा मेनहोल उघडा राहिल्याने एका डॉक्टरचा त्यात पडून मृत्यू झाला होता. त्यावेळी पालिका प्रशासनाच्या गलथान कारभारावर टीकेची झोड उठली होती. त्यानंतरही मेनहोलचे झाकण सर्रासपणे उघडे ठेवण्यात आल्याने पुन्हा एकदा पालिका प्रशासनावर टीका होत आहे.

काल मध्यरात्रीपासून ते आज सकाळपर्यंत अग्निशमन दलाच्या जवानांनी या मॅनहोलच्या ड्रेनेज लाइनची दहा किलोमीटरपर्यंत पाहणी केली. जेसीबीच्या सहाय्याने ड्रेनेज लाइन फोडून मुलाचा शोधही घेतला मात्र तरीही या मुलाचा ठावठिकाणा लागला नाही.

दरम्यान, पवईच्या बांगुर्डा तलावात एकाचा बुडून मृत्यू झाला. पवईच्या मोरारजी नगरजवळच हा बांगुर्डा तलाव आहे. गावापासून तीन किलोमीटर अंतरावर जंगलात हा तलवा असून त्यात तरुण बुडाला. काल रात्री साडे अकरा वाजता ही घटना घडली. काळोख असल्यामुळे या तरुणाचा शोध घेणं अशक्य झालं. दरम्यान आज सकाळी पुन्हा शोधकार्य सुरू करण्यात आलं आहे.

Leave a Review or Comment