काॅंग्रेस अध्यक्षपदासाठी सुशीलकुमार शिंदे यांचे नाव आघाडीवर
काँग्रेसमध्ये अखेर नेतृत्वबदलाच्या हालचालींना वेग आला असून गांधी घराण्यावर प्रचंड निष्ठा असलेले माजी केंद्रीय गृहमंत्री व महाराष्ट्राचे माजी मुख्यमंत्री सुशीलकुमार शिदे हे राहुल गांधी यांचे उत्तराधिकारी असतील, अशी खात्रीशीर माहिती पुढे येत आहे.
काँग्रेस पक्षाची धुरा कुणाच्या हाती द्यायची, यावर पक्षातील वरिष्ठ नेत्यांनी बराच खल केला. गांधी कुटुंबीयांशी याबाबत चर्चा झाली. अनेक नावांवर विचार झाला. त्याअंती सुशीलकुमार यांच्या नावावर सर्वांचंच एकमत झाल्याचं सांगितलं जात असून पक्षात सध्या राजीनामासत्र सुरू असल्याने या निर्णयाची लगेचच घोषणा केली जाणार नाही, अशी माहिती सूत्रांनी दिली.
दरम्यान, सुशीलकुमार हे या अनुशंगाने आज दिल्लीत राहुल गांधी यांची भेट घेण्याची शक्यता आहे.