Welcome to   Click to listen highlighted text! Welcome to

काॅंग्रेस अध्यक्षपदासाठी सुशीलकुमार शिंदे यांचे नाव आघाडीवर

Spread the love

काँग्रेसमध्ये अखेर नेतृत्वबदलाच्या हालचालींना वेग आला असून गांधी घराण्यावर प्रचंड निष्ठा असलेले माजी केंद्रीय गृहमंत्री व महाराष्ट्राचे माजी मुख्यमंत्री सुशीलकुमार शिदे हे राहुल गांधी यांचे उत्तराधिकारी असतील, अशी खात्रीशीर माहिती पुढे येत आहे.
काँग्रेस पक्षाची धुरा कुणाच्या हाती द्यायची, यावर पक्षातील वरिष्ठ नेत्यांनी बराच खल केला. गांधी कुटुंबीयांशी याबाबत चर्चा झाली. अनेक नावांवर विचार झाला. त्याअंती सुशीलकुमार यांच्या नावावर सर्वांचंच एकमत झाल्याचं सांगितलं जात असून पक्षात सध्या राजीनामासत्र सुरू असल्याने या निर्णयाची लगेचच घोषणा केली जाणार नाही, अशी माहिती सूत्रांनी दिली.

सुशीलकुमार यांच्यासह मल्लिकार्जुन खर्गे, गुलाम नबी आझाद, अशोक गेहलोत, जनार्दन द्विवेदी, ए. के. अँटनी, मुकुल वासनीक यांच्या नावांचा विचार झाला. मात्र, पहिली पसंती सुशीलकुमार यांनाच मिळाली, असेही सूत्रांचे म्हणणे आहे. महाराष्ट्रात ऑक्टोबर महिन्यात विधानसभेच्या निवडणुका होत आहेत. ते पाहता सुशीलकुमार यांच्याकडे पक्षाचं राष्ट्रीय अध्यक्षपद सोपवल्यास त्याचा निश्चितच फायदा होईल, असंही एक गणित मांडण्यात आलं आहे.

दरम्यान, सुशीलकुमार हे या अनुशंगाने आज दिल्लीत राहुल गांधी यांची भेट घेण्याची शक्यता आहे.

आपलं सरकार

Click to listen highlighted text!