मराठा विद्यार्थ्यांना दिलासा : राज्य सरकारला अध्यादेश काढण्यास निवडणूक आयोगाची परवानगी

Advertisements
Advertisements
Spread the love

वैद्यकीय पदव्युत्तर अभ्यासक्रमाला मराठा आरक्षणातून प्रवेश घेतलेल्या एकाही विद्यार्थ्याचे नुकसान होऊ नये म्हणून राज्य सरकार अध्यादेश काढणार असून निवडणूक आयोगाने त्यास परवानगी दिली आहे.

Advertisements

दरम्यान, उद्या होणाऱ्या राज्य मंत्रिमंडळाच्या बैठकीत यावर शिक्कामोर्तब होणार असल्याचे सूत्रांनी सांगितले. वैद्यकीय पदव्युत्तर अभ्यासक्रमासाठी मराठा आरक्षणातून प्रवेश घेतलेल्या परंतु सर्वोच्च न्यायालयाच्या निकालामुळे प्रवेश रद्द झालेल्या विद्यार्थी, पालक व मराठा समाजातील नेत्यांची बुधवारी महसूल मंत्री पाटील यांच्याकडे बैठक झाली होती.

Advertisements
Advertisements

या बैठकीत प्रवेशाच्या प्रश्नावर ठोस तोडगा काढण्यात येईल, असे स्पष्ट आश्वासन महसूलमंत्री तथा मराठा आरक्षण अंमलबजावणी मंत्रिमंडळ उपसमितीचे अध्यक्ष चंद्रकांत पाटील यांनी दिले होते. दुसरीकडे प्रवेश रद्द झालेल्या मराठा समाजातील सर्व विद्यार्थ्यांच्या हिताचा निर्णय घेण्याच्या सूचना मुख्यमंत्री देवेंद्र फडणवीस यांनी केल्या होत्या.

या सर्व पार्श्वभूमीवर राज्य सरकारने अध्यादेश काढण्याचे जवळपास निश्चित केले असून त्यास निवडणूक आयोगाचाही हिरवा कंदील मिळाल्याने उद्याच्या मंत्रिमंडळ बैठकीत यावर शिक्कामोर्तब होऊन मराठा विद्यार्थ्यांना दिलासा मिळणार आहे.

आपलं सरकार