Welcome to   Click to listen highlighted text! Welcome to

यावेळी भाजपला स्वबळावर बहुमत कठीण मात्र सरकार एनडीएचे येईल : संजय राऊत

Spread the love

भाजप सरचिटणीस राम माधव यांच्यानंतर शिवसेना नेते, खासदार संजय राऊत यांनीही भाजपला स्वबळावर बहुमताचा आकडा गाठता येणार नाही, असे म्हटले आहे. २०१४च्या लोकसभा निवडणुकीप्रमाणे यावेळीही २८० जागांपर्यंत मजल मारणे, भाजपसाठी थोडे कठीणच आहे. अशा स्थितीत  केंद्रात पुन्हा सत्तेत येण्यासाठी भाजपला मित्रपक्षांची निश्चितच गरज भासेल, असे राऊत यांनी पुढे नमूद केले.

‘राम माधव जे म्हणालेत ते खरंच आहे. केंद्रात पुन्हा एकदा एनडीएचं सरकार येणार आहे. या सरकारमध्ये भाजप हा सर्वात मोठा पक्ष असेल पण भाजपला स्वबळावर या निवडणुकीत २८०-२८२ जागांपर्यंत मजल मारता येणार नाही. तो आकडा भाजप व मित्रपक्ष मिळून सहज पूर्ण करतील. एनडीएला निश्चितपणे बहुमत मिळेल’, असा विश्वास राऊत यांनी व्यक्त केला.

नरेंद्र मोदी यांच्याबाबत विचारले असता, मोदी पुन्हा पंतप्रधान झाल्यास शिवसेनेला निश्चितच आनंद होईल, असे राऊत म्हणाले. दरम्यान, राम माधव यांनी एका मुलाखतीत, भाजपला केंद्रात सत्ता स्थापन करण्यासाठी मित्रपक्षांचा पाठिंबा लागेल, असे म्हटले होते. एनडीए सहज बहुमत मिळवेल, असा विश्वासही त्यांनी व्यक्त केला होता.

आपलं सरकार

Click to listen highlighted text!