गोविंद नामदेव मराठी चित्रपट ‘सूर सपाटा’ मध्ये येताहेत ….
‘विरासत’, ‘राजू चाचा’, ‘पुकार’ आणि ‘ओह माय गोड’ यांसारख्या अनेक दर्जेदार हिंदी चित्रपट व मालिकांतून आपल्या अभिनयाने प्रेक्षकांची मने जिंकणारे सुप्रसिद्ध अभिनेते गोविंद नामदेव आता ‘सूर सपाटा’ या मराठी चित्रपटामध्ये झळकणार आहेत. लाडे ब्रोज् फिल्म्स प्रा. लि आणि मंगेश कंठाळे दिग्दर्शित ‘सूर सपाटा’ चित्रपट २१ मार्चला प्रदर्शित होणार आहे.
हंसराज जगताप, यश कुलकर्णी, चिन्मय संत, चिन्मय पटवर्धन, रुपेश बने, जीवन कळारकर, सुयश शिर्के यांसोबतच शरयू सोनावणे आणि निनाद तांबावडे आदींच्या प्रमुख भूमिका ‘सूर सपाटा’मध्ये आपल्याला पहायला मिळतील. प्रकाश नाथन, हिमांशू आशेर, संजय पतोडीया आणि अर्शद कमल खान प्रस्तुत, किशोर खिल्लारे, सुभाष गुप्ता, सतीश गुप्ता आणि जगदीश लाडे सहनिर्मित ‘सूर सपाटा’च्या निमित्ताने तब्ब्ल २५ दिग्ग्ज कलावंतांचा ताफा आमने-सामने येणार असून तूर्तास त्यांतली काही नावं उलगडण्यात आली आहेत. उपेंद्र लिमये, संजय जाधव, अभिज्ञा भावे ही त्यातलीच काही महत्त्वाची नांदावे आहेत. या चित्रपटाची पटकथा मंगेश कंठाळे व अमित बैचे यांची आहे. तर संवादलेखन अमित बैचे यांनीच केले आहे. चित्रपटाचे छायांकन विजय मिश्रा यांचे असून अभिनय जगतापचे श्रवणीय संगीत चित्रपटाला लाभले आहे.