रिक्षाचालकांचा अल्पवयीन मुलांवर लैंगिक अत्याचार
अंबरनाथ येथील एका रिक्षाचालकाने दोन अल्पवयीन मुलांना खाऊ आणि पैशांचे आमिष दाखवत त्यांच्यावर आनंद नगर एमआयडीसी परिसरात नेऊन लैंगिक अत्याचार केल्याचा प्रकार समोर आला आहे. या प्रकरणी रिक्षाचालक चंद्रकांत पेडणेकर याला शिवाजी नगर पोलिसांनी अटक केली. अंबरनाथ पूर्व भागातील शिवाजी नगर परिसरात राहणारा रिक्षाचालक चंद्रकांत पेडणेकर याने त्याच्याच परिसरातील ओळखीच्या दोन मुलांना शुक्रवारी पैशांचे आणि खाऊचे आमिष दाखवत आनंद नगर एमआयडीसी परिसरात रिक्षात बसवून नेले. तिथे निर्जनस्थळी दोघांवर अत्याचार केले. दोन्ही मुलांनी घरी आल्यावर पालकांना सांगताच, संतापलेल्या पालकांनी थेट शिवाजी नगर पोलिस ठाणे गाठत रिक्षाचालक पेडणेकरविरोधात गुन्हा दाखल केला. शिवाजी नगर पोलिसांनी या गंभीर घटनेची दखल घेत बाल लैंगिक अत्याचार कायद्यांतर्गत गुन्हा दाखल करत रिक्षाचालक चंद्रकांत पेडणेकर याला अटक केली.