आनंद तेलतुंबडे यांना २२ फेब्रुवारीपर्यंत अटकपूर्व जामीन
कोरेगाव भीमा हिंसाचार व माओवाद्यांशी संबंध असल्याचा आरोप असलेले डॉ. आनंद तेलतुंबडे यांनी अटकपूर्व जामिनासाठी मुंबई हायकोर्टात दाखल केलेल्या जामीन अर्जावर आता २२ फेब्रुवारी रोजी पुढील सुनावणी होणार आहे. तोपर्यंत तेलतुंबडे यांना काहीअंशी दिलासा मिळाला आहे. आनंद तेलतुंबडे यांना पुणे पोलिसांनी अटक केलीच तर १ लाख रुपयांचा जातमुचलका व त्यापेक्षा अधिक रकमेच्या हमीवर त्यांची सुटका करण्यात यावी, असे हायकोर्टाने आजच्या सुनावणीदरम्यान नमूद केले. तेलतुंबडे यांनी पुणे पोलिसांसमोर १४ आणि १८ फेब्रुवारी रोजी चौकशीसाठी हजर राहावे, असे निर्देशही हायकोर्टाने यावेळी दिले.